Йович учун курашда қайси жамоа фаворит?

Франкфуртнинг "Айнтрахт" клуби форварди Лука Йович мавсумлар оралиғида жамоасини ўзгартиради.

Sportsmole нашри тарқатган хабарга кўра 21 ёшли сербиялик футболчи учун курашда "Челси" фаворит ҳисобланади. Бироқ, ФИФАнинг трансфер таъқиқи олиб ташланмаса, "аристократлар"нинг бу борадаги режалари барбод бўлиши мумкин.

Эслатиб ўтамиз, Йовичга шунингдек "Арсенал", "Барселона" ва "Манчестер Юнайтед" каби жамоалардан ҳам қизиқишлар мавжуд. Немис клуби эса унинг трансферини 70 млн еврога баҳоламоқда.

Маълумот учун, Йович жорий мавсум “Айнтрахт” сафида жами 37та ўйинда майдонга тушди ва ўз ҳисобига 23та гол ҳамда 7та голли узатма ёздириб қўйишга эришди.