Роналду Мессини ортда қолдирди

Криштиану Роналду Португалия терма жамоаси сафида Арманистонга қарши ўйнаган либоси кимошди савдосига қўйилди. Кимошди савдоси тугашига ҳали 4 кун бор, либос эса машҳур MatchWornShirt сайтида 71 026 евро нарх билан рекорд ўрнатди. Иккинчи ўринда 55 019 еврога сотилган ПСЖдаги Лионель Мессининг футболкаси қолди. 

Қизиғи шундаки, ушбу сайтда сотилаётган энг қиммат 10 та либос рўйхатида саккиз марта Месси ёки Роналду футболкалари учрайди. Шунингдек, ўнталикда Хён Мин Сон ва Коуль Палмернинг футболкалари ҳам бор.

Криштиану Роналдунинг "Ан-Наср" билан амалдаги шартномаси 2027 йилнинг ярмигача мўлжалланган.