Регилон Ла Лиганинг аутсайдер жамоаси сафига ўтиши мумкин

"Тоттенхэм" ҳимоячиси Серхио Регилон фаолиятини "Селта"да давом эттириши мумкин, дея хабар бермоқда журналист Бен Жейкобс.

Манбага кўра, 26 ёшли испанияликнинг хизматларига шахсан "Селта"нинг янги бош мураббийи Рафаэл Бенитес қизиқмоқда.

2022/23 йилги мавсумда Регилон Мадриднинг “Атлетико” клубида ижара асосида ўйнади. У барча мусобақаларда 12 та ўйин ўтказиб, гол урмаган.