ПСЖ Манени ўз сафига қўшиб олмоқчи

"Ливерпуль" клуби форварди Садио Мане ПСЖнинг қизиқишлар доирасига кириб қолди. Бу ҳақда Mundo Deportivo нашри хабар тарқатмоқда.

Юқоридаги манбаага қараганда парижликлар 27 ёшли сенегаллик футболчини жамоадан кетиши кутилаётган Неймарга муносиб ўринбосар сифатида қарашмоқда. Франция чемпиони тўпурар футболчи учун мерсисайдликларга 100 миллион евродан ортиқроқ маблағ таклиф қилишга тайёр.

Маълумот учун, Мане жорий мавсум 21 та ўйинда майдонга тушди ва 13 та гол ҳамда 7 та голли узатма ёздириб қўйишга эришди.