"Пахтакор" хорижда йиғин ўтказади

Лига Кубоги финал ўйинидан кейин "Пахтакор" клубининг асосий аъзолари 25 декабргача давом этадиган таътилга чиқишди. Бу ҳақда клуб матбуот хизмати хабар берди.

Манбанинг маълум қилишича, футболчилар 25-26 декабрь кунлари тиббий текширувдан ўтишади ва машғулотларни бошлашади. Янги йил байрами билан боғлиқ танаффусдан кейин эса 3 январдан машғулотларга қайтилади. Жамоа режаларидан БААда хориж йиғини ўтказиш ҳам ўрин олган.