МЮ яна бир трансфер режасидан воз кечди

"Манчестер Юнайтед" "Ньюкасль" ярим ҳимоячиси Шон Лонгстафф трансферидан воз кечди. Бу ҳақида MEN нашри ўз манбасига таянган ҳолда хабар тарқатмоқда.

22 ёшли футболчи ўтган йил ёзида "қизил иблислар" таркибини тўлдириши мумкин эди, бироқ якунда унинг трансфери амалга ошмай қолди.

Эслатиб ўтамиз, қишги давралар орасида МЮ "Спортинг" хавбеки Бруно Фернандеш билан шартнома имзолади. Шунингдек, клуб "Лестер" вингери Жеймс Мэддисон ва "Астон Вилла" футболчиси Жек Грилиш атрофидаги вазиятни кузатиб бормоқда.