ММА: Ўғилой Жуманова Осиё чемпиони!

Душанбе мезбонлигидаги ММА бўйича Осиё чемпионатининг финал жанглари давом этмоқда. 

Қувонарлиси, енгил вазн (70,3 кг) тоифасида юртимиз шарафини ҳимоя қилаётган вакиламиз, Қарши шаҳри ички ишлар ходимаси Ўғилой Жуманова ҳал қилувчи жангда ҳиндистонлик Танишкаа Бхансалини 1-раунднинг 20-сониясида техник нокаутга учратиб, Осиё чемпионлигини қўлга киритди. 

Шунингдек, ўта енгил вазн (61,2 кг) тоифасида Зебинисо Отақулова қозоғистонлик Адель Мазаметовага имкониятни бой бериб қўйди ва кумуш медаль билан чекланди .

Олдинда яна юртдошларимиз иштирокидаги финал жанглари кутиб турибди. Воқеалар ривожини бизда кузатиб боринг!