Мареска: "Роберт МЮга қарши ўйинда хато қилганини тан олмоқда"

"Челси" бош мураббийи Энцо Мареска Англия Премьер-лигасининг 5-туридан ўрин олган "Манчестер Юнайтед"га (1:2) қарши баҳсда содир бўлган вазият юзасидан фикр билдирди. Унда асосий дарвозабон Роберт Санчес 5-дақиқада майдондан четлатилган эди.

"Санчес узоқ вақт давомида жуда яхши ўйнаб келди. Ўтган мавсум охирида ва бу мавсум бошида у ажойиб натижалар кўрсатди.

Роберт МЮга қарши ўйинда хато қилганини тан олмоқда. Лекин Мен кўп марта айтганман: дарвозабон ёки ярим ҳимоячи хато қилса, бу бир хил нарса.

Биз Робертдан ҳам, Филип Йоргенсендан ҳам мамнунмиз. Роберт билан ҳеч қандай муаммо йўқ", – дея таъриф бериб ўтди аристократлар мутахассиси.