Гвардиола: “Энди устига устак Хусанов ҳам жароҳат олди”

"Манчестер Сити" АПЛнинг 5-турида "Арсенал" (1:1) жамоасига қарши баҳс олиб борди. Учрашувдан сўнг "шаҳарликлар" устози Хосеп Гвардиола матбуот анжуманида иштирок этиб, ўз фикрларини билдирди.

Футболчиларнинг кураши ҳақида:

“Жамоамнинг чидамлилиги ва руҳияти учун бош эгаман. Биз ўтган ҳафта "Манчестер Юнайтед"га қарши ўйнадик, кейин пайшанба куни Чемпионлар лигасида "Наполи" билан тўқнаш келдик ва бугун ҳар жиҳатдан жуда кучли рақибга қарши баҳс олиб бордик. Агар прессинг ишламаса ёки ўйинни қуришда самарали бўлолмасангиз, жуда қийин бўлади. Менимча, натижа адолатли бўлди. Бир оз ачиниш бор, чунки ғалаба қозониш мумкин эди. Аммо умумий ҳисобда "Арсенал" кучлироқ.”

Тиғиз тақвим таъсири ҳақида:

“Албатта, тақвим таъсир қилади. Жамоа руҳияти кучли бўлиши керак, лекин бизда жуда кўп чарчоқ ва жароҳатлар бор. Жон, Шерки, Аит-Нури ўйнай олмади. Энди устига устак Хусанов ҳам жароҳат олди.”

Нега прессинг ишламаганлиги ҳақида:

“Бу жуда оддий, "Арсенал"яхшироқ эди ва биз жуда чарчаган эдик. Базан одамлар бу иш қанчалик қийинлигини тушунмайди. Сиз прессинг уюштириш учун руҳий жиҳатдан жуда кучли бўлишингиз керак.”

Иккинчи бўлимда 5-4-1 тактикасига ўтиш ҳақида:

“Одатда биз бундай тактикада ўйнамасликка ҳаракат қиламиз. Лекин рақиб кучлироқ бўлса ва биз чуқурроқ ҳимоялансак, Эрлинг Холанднинг қарши ҳужумларда тез югуриши бизга имконият беради. Бизнинг ниятимиз фақат ҳимояланиш эмас, аммо қарши ҳужумларда доимо яхши бўлганмиз. Эсингиздами, Лерой Сане ва Рахим Стерлинг бўлганда қандай ўйнардик? Ёки Кевин Де Брюйне билан? Қарши ҳужумлар доим ўйин режамизда бўлган. Ҳар доим тўпни назорат қилишнинг иложи йўқ. Шунинг учун биз бир очко олдик. Ҳар доим ўйиндаги вазиятга мослашишимиз керак.”