Гвардиола Эдерсонни "Сити"дан кетиши ҳақида гапирди

"Манчестер Сити" бош мураббийи Хосеп Гвардиола дарвозабон Эдерсоннинг клубни тарк этиши ҳақидаги саволга жавоб берди. Бразилиялик футболчи Англия чемпионатининг 1-туридан ўрин олган "Вулверхэмптон"га (0:4) қарши ўйин қайдномасига киритилмади.

"Мен ҳар доим агар футболчи кетишни истаса, у кетиши керак деган позицияда бўлганман - лекин клуб шартлари асосида. Агар у жамоа сафида ўзини бахтиёр ҳис қилмаса, бу ерда қолишдан маъно йўқ. "Барселона"да ишлаганимдан бери шундай ҳисоблайман", - дея Гвардиоланинг сўзларини келтиради Mirror.

Аввалроқ ОАВда Эдерсонга "Галатасарой" клуби фаол қизиқиш билдираётгани ҳақида хабарлар тарқалган эди.

Дарвозабон "шаҳарликлар" сафида 2017 йилдан буён тўп суриб келмоқда. Футболчининг клуб билан амалдаги меҳнат шартномаси 2026 йилнинг ёзига қадар мўлжалланган. Трансфермаркт порталида келтирилган маълумотларга кўра, футболчининг нархи 20 млн еврони ташкил этади.