“Челси” супер трансферни эълон қилади

“Челси” раҳбарияти янги трансферни эълон қилишга тайёргарлик кўрмоқда. Бу футболчи Бундеслига юлдузи Кай Хаверц бўлади.

Истеъдодли плеймейкер куни кеча “Байер” таркибида тиббий кўрикдан ўтмади. Футболчилар коронавирусга тест топширганида ҳам Хаверц кўринмади. Бу унинг кетишидан далолат беради.

Аввалроқ, “Челси” ўзи орзу қилган футболчи учун 80 миллион евро тўлаши ва қолган 20 миллионни бонус тариқасида тақдим қилиши келишиб олинганини  эълон қилганди.

Тез орада Кай Хаверц Лондонга келиши кутилмоқда.