Бразилия терма жамоаси бош мураббийи Неймар ҳақида "ғалати" гап айтди

Бразилия терма жамоаси бош мураббийи Тите ПСЖ форварди Неймар пентакампеонларнинг алмаштириб бўлмас футболчиси эмаслигини айтди.

“Неймар ўйинга жозибадорлик қўшади. У бошқа ўйинчилар хаёлига ҳам келтирмайдиган қарорлар қабул қилади. У билан терма жамоанинг имкониятлари умуман бошқа, у майдонда порлайди. Биз ўз имкониятлари даражасида ўйнайдиган Неймар ҳақида гапиряпмиз. У муҳим, аммо, алмаштириб бўлмас ўйинчи эмас”, - дейди Тите.

Маълумот учун, Неймар жорий мавсум ПСЖ сафида 22 та ўйинда майдонга тушди ва 18 та гол ҳамда 10 та голли узатмага муаллифлик қилди.