Дзюбага яна бир харидор пайдо бўлди

Санкт-Петербургнинг “Зенит” клуби ҳамда Россия терма жамоаси форварди Артём Дзюба “Галатасарой”нинг қизиқишлар доирасига кириб қолди. Бу ҳақда Sporundibi.com хабар бермоқда.

Унга кўра турк клуби 29 ёшли футболчининг трансферини муҳокама қилиш учун унинг агентини Туркияга чақирган. Бироқ, баъзи манбааларга қараганда Дзюбага бошқа бир турк жамоаси – “Бешиктош” қизиқмоқда.

Эслатиб ўтамиз, ЖЧ-2018да терма жамоанинг асосий ҳужумчиси сифатида иштирок этган ва ўз ҳисобига 3та гол ёздириб қўйишга эришган Дзюбага шунингдек Франциянинг “Бордо” клубидан ҳам жиддий таклифлар бўлмоқда.