Xabib Makgregor bilan gaplashishdan o‘zini olib qochdimi?

UFC engil vazn toifasining chempioni Xabib Nurmagomedov o‘zining Instagram sahifasida to‘g‘ridan-to‘g‘ri efirga chiqdi va nima uchun UFC 249dan voz kechganini tushuntirishga urindi.

Rossiyalik jangchining efiriga Konor Makgregor qo‘shilib, to‘g‘ridan-to‘g‘ri muloqot qilishni taklif qildi.

Shundan so‘ng, Nurmagomedov obunachilari bilan xayrlashdi va efirni yakunlab qo‘ydi.

Eslatib o‘tamiz, 1 aprel kuni Xabib Nurmagomedov koronavirus pandemiyasi tufayli Toni Fergyuson bilan jang qilish uchun AQShga bormasligini e’lon qilgandi.