Taekvondo WT bo‘yicha O‘zbekiston chempionati o‘tkazilmoqda

Shu kunlarda Jizzax shahri taekvondo WT bo‘yicha O‘zbekiston chempionatiga mezbonlik qilmoqda.

Respublikamizning barcha hududlaridan tashrif buyurgan sportchilar ishtirokidagi bahslarning ilk kunida 9 vazn toifasida g‘olib va sovrindorlar aniqlab olindi. 

Murosasiz bellashuvlarda Behruz Salimov (-54 kg), Nazarali Nazarov (-63 kg), Mironshohmirzo Muzaffarov (-74 kg), Yodgorbek Jo‘raboev (-87 kg), Madina Shoniyozova (-46 kg), Laylo Zayniddinova (-53 kg), Diyora Azizova (-62 kg), Sabina Pardaeva (-73 kg) va  Iroda Mirtojieva (+73 kg) o‘z vazn toifalarida chempionlikni qo‘lga kiritishdi.