KO‘JCh. Husanov yana zaxirada qolgan uchrashuvda "Manchester Siti" ishonchli hisobda zafar quchdi

Klublar o‘rtasidagi Jahon chempionati G guruhining 1-turidan o‘rin olgan uchrashuv o‘z nihoyasiga etdi. Xosep Gvardiola boshchiligidagi "Manchester Siti" Marokashning "Vidid" klubi bilan to‘qnash kelib, 2:0 hisobida muvaffaqiyatga erishdi. 
 
Uchrashuvning 2-daqiqasidayoq Fil Foden gol urib, hisobni ochdi. So‘ngra nominal mehmonlar goldan so‘ng o‘zlariga kelib olib, "shaharliklar" darvozasi yaqinida bir necha xavfli vaziyatlar yaratdi. Shuningdek, birinchi bo‘limning 42-daqiqasida Fodenning burchakdan uzatgan pasidan so‘ng Jeremi Doku darvoza tomon zarba yo‘llab, oradagi farqni 2 taga etkazib qo‘ydi. Bu gol esa bellashuvdagi so‘nggisi bo‘lib, o‘yin taqdirini hal qildi. 
 
Mazkur bellashuvda ham milliy terma jamoamiz etakchisi hisoblangan Abduqodir Husanov yana zaxira o‘rindig‘ida qoldirildi. 
 
Manchesterliklar endi navbatdagi uchrashuvini 23 iyun kuni "Al-Ayn"ga qarshi o‘tkazadi.