Jahon chempionati. Bugun 5 nafar vakilamiz ringga ko‘tariladi

Xabaringiz bor, ayni kunlarda Serbiyaning Nish shahrida boks bo‘yicha ayollar o‘rtasida Jahon chempionati bahslari bo‘lib o‘tmoqda. IBA shof’eligida  o‘tkazilayotgan ushbu musobaqada Elshod Rasulov boshchiligidagi terma jamoamiz ham medallar uchun kurash olib boryapti.

Kuni kecha ishtirok etgan 5 nafar vakilamizning 4 tasi g‘alaba qozongan bo‘lsa, 1 tasi mag‘lubiyatga uchrab, musobaqani tark etdi.

Aniqrog‘i, -50 kg vaznda Sabina Boboqulova kolumbiyalik Isuara Erlinni 5:0 hisobida engdi. -60 kg dagi bokschimiz Sitora Turdibekova vetnamlik  Chuk Nigo Maini qiyinchiliksiz mag‘lubiyatga uchratdi. Biroq -63 kg da musobaqadagi dastlabki jangini o‘tkazgan Odinaxon Ismoilova, afsuski,  Megan de Klerga hakamlarning qarorlariga ko‘ra taslim bo‘ldi. Navbahor Hamidova esa -66 kg vaznda Meri Uolshdan 4:0 hisobida ustun keldi. Kunning so‘ngi bahsida, -81 kg vaznda Sohiba Ro‘zmetova kubalik Yoana Kastilyoni 4:3 hisobida mag‘lub etdi.

Bugun yana 5 nafar vakilamizning janglari bo‘lib o‘tadi. 

-48 kg: Farzona Fozilova - Chjun Syueyun (Xitoy);

-57 kg: Nigina O‘ktamova - Melani Girado Bermudez (Kuba);

-75 kg: Aziza Zokirova - Alina Veber (Belarus);

-52 kg: Feruza Kazakova - Stela Roxana Xamza (Rumyniya);

-70 kg: Oysha Toirova - Saida Laxmidi (Marokash);

Janglar Toshkent vaqti bilan soat 18:00 da start oladi.