Husanov o‘ynagan uchrashuvni Gvardiola “Siti”dagi faoliyati davomida eng zo‘ri deb tan oldi

Англия кубогининг 1/8 финалида “Манчестер Сити” футболчилари “Ньюкасл Юнайтед” майдонида мезбонлар устидан 3:1 ҳисобидаги ғалаба қозониб, кейинги босқичга йўлланма олди.

Учрашувнинг 18-дақиқасида Харви Барнс ҳисобни очди. “Сити” вакилларидан Савио танаффусгача вазиятни тенглаштирган бўлса, Умар Мармуш иккинчи бўлимда бир жуфт  тўп киритиб, ғалабани таъминлади.

Тўлиқ ўйнаган Абдуқодир Ҳусанов ҳимоядаги ишончли ҳаракатлари билан ғалабага кетта ҳисса қўшди. Ўзбек футболчисининг ўйини экспертлар томонидан жуда юқори баҳоланди.

Хосеп Гвардиола бу учрашувни у клуб бош мураббийи сифатида ишлаётган қарийб ўн йил давомида “Сент-Жеймс Парк” стадионидаги жамоанинг энг яхши ўйини деб атади.

Таъкидлаш жоизки, ўтган чоршанба куни Премьер-лигада “Ноттингем Форест”га қарши 2:2 ҳисобидаги дурангдан кейин таркибда 10 та ўзгариш қилган “Манчестер Сити” жамоаси ўйиннинг барча жиҳатларида ажойиб ҳаракат қилди.

Учрашув бошида Харви Барнс гол уриб, “Ньюкасл”ни ҳисобда олдинга олиб чиққан бўлса-да, “Сити” жуда яхши жавоб қайтарди.

Баҳснинг энг яхши футболчиси Савио биринчи бўлим тугашига олти дақиқа қолганда кутилмаган тарзда ҳисобни тенглаштирди: Джереми Докунинг узатмаси “Ньюкасл” ҳимоячиларидан ўтмаган бўлса-да, тўпни Савио рақиб дарвозасига жойлади.

Танаффусдан кейин диққат марказида Умар Мармуш бўлди, у иккинчи бўлимда дубль қайд этиб, Пепнинг “Этихад”даги ажойиб даври давомида “Сити”ни тўққизинчи марта Англия кубоги чорак финалига олиб чиқди ва жамоа кетма-кет саккизинчи мавсум шу босқичга чиқди.

Мураббий учун бу ўйин айниқса катта аҳамиятга эга бўлди.

- Бу мен бу ерда ишлаган ўн йил давомида “Ньюкасл”га қарши энг яхши ўйинимиз бўлди. Жуда хурсандман, чунки  “Ноттингем Форест”га қарши ўйиндан кейин биз натижадан хафа бўлган эдик.

Шунинг учун биз қандай ўйнаганимиздан, ҳужумда ҳам, ҳимояда ҳам ўзимизни қандай тутганимиздан жуда мамнунман.

Душанба куни қуръа ташлаш маросими бўлади. Биз у ерга чиққанимизга кўп йиллар бўлди ва бу жуда яхши. Биз кетма-кет саккизинчи марта чорак финалга чиқяпмиз, бу ажойиб ташкилотчилик самараси, - деди Хосеп Гвардиола.

Бош мураббий шу куни иккита гол урган Умар Мармуш ҳақида ҳам илиқ фикр билдирди. “Сити” ҳужумчисининг дубли мисрлик футболчининг “Ньюкасл”га қарши ўйинлардаги ажойиб шахсий сериясини давом эттирди ва у 13 ой ичида “қарғалар” дарвозасига урган голлар сонини еттитага етказди.

- Менда Мармуш уларга кўп марта гол урган, деган ҳиссиёт бор эди. Умар юқори даражадаги ҳужумчи ва унинг асосий кучли томони ҳужумларни якунига етказишдир. Айниқса, биз иккинчи ва учинчи голларни урган вазиятларда бу яққол намоён бўлди.

Мармуш тор ҳудудлардаги ўйинини ва тўпни биринчи қабул қилиш босқичини яхшилаши керак, лекин у бугунги ўйини билан бунга эришиб бораётганини кўрсата олди, - деди Хосеп Гвардиола.

Ҳусанов ўйинига экспертдан “даҳшат” балл олди

Топ-лига клуби Ҳусановни сўраяпти

Тезкор! Голлар ортидан Шомуродовнинг нархи “учди”, Файзуллаевники-чи?

Эрондаги легионерларимиз энди нима қилади?