"CAFA Nation's Cup". O‘zbekistonning Ummonga qarshi o‘yinini qancha muxlis bevosita stadiondan kuzatdi? (foto)

"CAFA Nation's Cup" turniri guruh bosqich uchrashuvlari davom etmoqda.

Kecha "A" kvarteti vakillari ilk tur uchrashuvlarini o‘tkazdi. O‘zbekiston terma jamoasi Toshkentdagi "Bunyodkor" stadionida Ummonni qabul qilib, 3:0 hisobida zafar quchdi.

Stadion suhandoni tarqatgan xabarga ko‘ra, mazkur bahsni 12 912 nafar muxlis bevosita stadiondan kuzatib borgan.

Keyingi tur o‘yini ham aynan shu o‘yingohda bo‘lib o‘tadi. Unda vakillarimizga qo‘shni Turkmaniston termasi raqiblik qiladi. Bellashuv 14 iyun sanasiga belgilangan.