Aziz G‘aniev qaytdi!

Birlashgan Arab Amirliklari Pro Ligasi 25-tur doirasidagi "Hatta" - "Shabab Al-Ahli" bahsi bo‘lib o‘tdi. Uchrashuv mehmonlarning  5:2 hisobidagi g‘alabasi bilan yakunlandi.

Xabaringiz bor, hamyurtimiz Aziz G‘aniev "qizil ritsarlar" safida to‘p suradi. 26 yoshli yarim himoyachimiz so‘nggi 2 o‘yinda zaxirada qolgan edi.  Kechagi uchrashuvda esa u ilk daqiqalardanoq maydonga tushdi va to‘liq 90 daqiqa harakat qildi.Bundan tashqari, G‘aniev jamoasining ikkinchi goliga assistentlik qildi. 

Ma’lumot uchun, o‘tgan mavsumda chempionlikni qo‘lga kiritgan "Shabab" 25 o‘yindan so‘ng turnir jadvalida  2-o‘rinda bormoqda. Bu mavsum chempionlik muddatidan avval hal bo‘lib ulgurdi.  "Al-Vasl" 24-turda chempionlikni rasmiylashtirgandi.

                                                                                                                                                                                                                                                       Farhod Tulkunov.