Ali Abdel-Aziz: "Islom Maxachevni gorillaga o‘xshataman"

Taniqli menejer Ali Abdel-Aziz engil vazn toifasida UFC ning amaldagi chempioni Islom Maxachevga yuqori baho berdi.

“Maxachev juda zo‘r jangchi. Hozir u bilan kurashib ko‘rishga da’vogarlar ko‘paymoqda. Biroq ular Islom bilan oktagonga kirmaguncha adashganini bilmaydi. Maxachevni gorillaga o‘xshataman. Ya’ni odamlar uning qanchalik kuchli ekanini hozirga qadar ham anglamadi” - deb yozdi Abdel-Aziz ijtimoiy tarmoqdagi sahifasida.

Ma’lumot uchun, Islom "UFC 311" turnirida braziliyalik Renato Moykanoni birinchi raunddayoq sabmishn orqali mag‘lub etgandi. Rossiyalik ayni damda 14 ta jangdan iborat g‘alabali seriyasini davom ettirmoqda.