"Yuventus" Mendini jamoaga olib kelmoqchi

"Yuventus" klubi yozgi transferlar oynasida "Real" Madrid futbolchisi Ferlan Mendini xarid qilmoqchi. Bu haqda "Goal.com" nashri xabar berdi. 

Turinliklar himoyachini arzonroqqa sotib olishni maqsad qilgan. Shuningdek, "zebralar" Mendini Aleks Sandroga almashtirish variantini ko‘rib chiqmoqda. 

Biroq "Real" rahbariyati frantsuzni qo‘yib yubormoqchi emas. "Qirollik klubi"ning undan umidi katta.

Ma’lumot o‘rnida, Ferlan Mendi joriy mavsum La Liganing 16 o‘yinida 1 gol va 1 assist muallifiga aylangan.