Yosh sambochilar O‘zbekiston chempionatida ishtirok etishmoqda

13-14 mart kunlari poytaxtimizdagi “JAR” sport sog‘lomlashtirish majmuasida sambo bo‘yicha yoshlar o‘rtasida mamlakat chempionati bo‘lib o‘tadi. Bugun musobaqaning tantanali ochilish marosimi bo‘lib o‘tdi.

Ushbu turnirda jami 70 nafar qizlar va 245 nafar yigitlar g‘oliblik uchun kurash olib borishmoqda.

Har bir vazn toifasida mamlakatning barcha xududlaridan va Qoroqolpog‘iston Respublikasidan sportchilar ishtirok etmoqda.

Ushbu musobaqani o‘tkazishdan asosiy maqsad, yurtimiz sharafini xalqaro maydonlarda, jumladan, Osiyo va jahon chempionatlarida himoya qiladigan iqtidorli sportchilarni saralab olishdir.