Yakuniga etgan uchrashuvlarning eng yaxshi futbolchilari aniq

Biroz oldin "Evro-2024"ning nimchorak finalidan o‘rin olgan ikkita uchrashuv bo‘lib o‘tdi. Germaniya Daniya ustidan, Shveytsariya esa Italiya ustidan zafar quchib, chorak finalga yo‘l olishdi. 

Shveytsariya - Italiya o‘yinda Vargas eng yaxshi futbolchi, deb topildi. Vinger bitta gol urib, bitta assistni o‘z nomiga yozdirib qo‘ydi. 

Germaniya - Daniya bahsining eng yaxshi futbolchisi esa Antonio Ryudiger bo‘ldi. Himoyachi ikkita podkat tashlagan bo‘lsa, 4 marta zarbaga blok qo‘ydi. Shu bilan birga, barcha duellarda g‘olib chiqdi.