Хойлунд Италия чемпиони таркибини тўлдириш арафасида

"Манчестер Юнайтед" ҳужумчиси Расмус Хойлунд тез орада "Наполи" таркибини тўлдириши мумкин. Бу ҳақда журналист Жанлука Ди Марсио ўзининг расмий саҳифасида маълум қилди.

Футболчи Италия жамоаси билан меҳнат шартномаси шартларини келишиб бўлган, клублар ҳам келишувга яқин турибди.

22 ёшли Хойлунд 2023 йилнинг августидан бери "Манчестер Юнайтед" шарафини ҳимоя қилмоқда. Ўшанда инглиз клуби уни "Аталанта"дан 77,8 млн еврога сотиб олганди. Данияликнинг "қизил иблислар" билан шартномаси 2028 йилнинг ёзигача мўлжалланган. Transfermarkt портали унинг трансфер қийматини 35 млн еврога баҳолаган.

Ўтган мавсумда Хойлунд барча мусобақаларда 52 та ўйинда майдонга тушиб, 10 та гол урган ва 4 та голга ҳаммуаллифлик қилган.