Xoland “Real” haqida so‘radi

“Real” asosiy tarkibiga kira olmagani uchun “Arsenal”da o‘ynayotgan Martin Edegor madridliklar og‘iz solayotgan Erling Xoland bilan “Qirollik klubi” haqida gaplashganini ma’lum qildi.

- Biz yaqin do‘stmiz. Shuning uchun ham ko‘p narsani muhokama qilamiz. Xususan, mening “Real”da o‘ynagan davrimni ham. Biz u bilan “Real” haqidaham gaplashdik. Lekin bu hech narsani anglatmaydi, - dedi Martin Edegor.

Anchadan beri 21 yoshli hujumchiga madridliklar jiddiy qiziqish bildirayotgani haqida xabarlar tarqatilmoqda. Xolandni oladigan jamoa uchun bu hujumchi kamida 150 million evroga tushadi.