Холанд Мбаппедан зўр чиқиб қолди

2026 йилги жаҳон чемпионатининг Европа минтақаси саралаш туринири “I” гуруҳида етакчилик қилаётган Норвегия терма жамоаси қаторасига еттинчи ғалабасини нишонлади.

Бу гал норвегияликлар ўз майдонида Эстония футболчилари 4:1 ҳисобида мағлубиятга учратди.

Александер Сёрлотт ва Эрлинг Холанд иккитадан тўп киритиб, жамоаси ғалабасини таъминлади.

Эрлинг Холанд  халқаро миқёсдаги голлари сонини 53 тага етказиб олди ва бу кўрсаткич бўйича Франция терма жамоаси ҳужумчиси Килиан Мбаппе билан тенглашди.

Қизиқ томони шундаги, норвегиялик тўпурар бу кўрсаткични қайд этиши учун франциялик ҳамкасбидан қарийб икки баравар кам ўйин ўтказди. Янада аниқроқ айтсак, Холад терма жамоадаги 47 учрашувда 53 та гол урди. Мбаппе бу кўрсаткич учун 93 та баҳсда қатнашишига тўғри келган.

Холанд жаҳон чемпионати Европа минтақаси саралаш турнирида еттита ўйинда жами 14 та тўп киритиб, тўпурарлар пойгасида яккапешқадам бўлиб турибди.