Xavi: Bu futbolchi Inestaga o‘xshaydi

"Barselona" bosh murabbiyi Xavi "Atletik"ga (4:0) qarshi o‘yindan keyin o‘z futbolchilaridan mamnun ekanini aytdi. 

Garchi shu kuni Pedri gol yoki assistentlikni amalga oshirmagan bo‘lsada, o‘yinning asosiy yulduzi bo‘ldi. Xavi esa u haqda shunday fikr bildirdi:

- U o‘yinni qanday tushunish, chiziqlar orasida qanday harakat qilish va maydonda qanday joylashish borasida menga Inestani eslatadi. Sof iste’dod nuqtai nazaridan Pedri shunchaki dunyodagi eng zo‘ri. U ajoyib futbolchi, men bunaqasini kamdan-kam ko‘rganman.