Xavi bir futbolchidan qutilmoqchi

“Barselona” mutasaddilari tezroq hujumkor futbolchi Ferran Torresni sotib yuborishga harakat qilmoqda.

Ispaniyaning Sport nashrga ko‘ra, kataloniyaliklar 23 yoshli futbolchini keyinchalik sotib olish majburiyati bilan ijaraga jo‘natishga ham tayyor.

Umumiy hisobda, klub bu transferdan 40 million evro ishlab olishni rejalashtirmoqda.

Ferran Torres “Barselona”ga 2022 yilning boshida olib kelingan edi. O‘shandan beri rasmiy uchrashuvlarda 71 marotaba maydonga tushgan o‘yinchi o‘z hisobiga 14 ta gol va 9 ta assist rasmiylashtirdi.