"Хаби Алонсо Винисиус билан вазиятда жуда оқилона йўл тутаяпти"

"Реал Мадрид" футболчиси Винисиус Жуниор "Барселона"га қарши ўйинда алмаштирилгандан сўнг бош мураббий Хаби Алонсо билан қўл сиқишишдан бош тортган эди. Кейинчалик бразилиялик футболчи узр сўради, аммо баёнотида Алонсо номини тилга олмади. Маълумотларга кўра, Винисиус кейинги машғулотда жамоа ва мураббий билан вазиятни муҳокама қилган.

Собиқ дарвозабон Сантьяго Канисарес бу ҳақда қуйидагича фикр билдирди:

"Хаби Алонсо ўз жамоасининг Моуриньо даврида юз берган ёки Луис Энрике бошчилигида содир бўлиши мумкин бўлган вазиятга тушиб қолишини истамайди..

У жамоада нима бўлаётганини жуда яхши тушунади ва оммавий ахборот воситалари орқали пайдо бўладиган шов-шувдан қочмоқда — чунки айнан шов-шув жамоага энг катта зиённи етказади.

Жамоа тинч ва ишонч билан ишлаши керак. Бу эса фақат яхши натижалар ва ортиқча шовқинсиз муҳитда мумкин.

Алонсо ўз қарорларида қатъий бўлади, лекин Винисиусга нисбатан ҳеч қандай имтиёз ёки қаттиқ муносабатда бўлмайди. Менимча, у жуда оқилона йўл тутяпти, чунки "Реал" — гипермедиа жамоа", — деди "Валенсия" ва "Реал"нинг собиқ дарвозабони Сантьяго Канисарес.