Винисиус Жуниор "Реал"дан кетадими?

"Эл-класико"даги Винисиус Жуниорнинг кескин реакцияси яна бир бор унинг келажаги ҳақидаги миш-мишларни кучайтирди. "TeamTalk" ва "The Athletic"нашрлари хабар беришича, бразилиялик вингер "Барселона"га қарши (2:1) ўйиннинг 72-дақиқасида алмаштирилгандан кейин ғазаб билан: "Мен кетаман, яхшиси кета қоламан!" деган. Бу ҳолат "Реал" раҳбариятини ноқулай аҳволга солган.

Манбаларга кўра, Винисиус Хаби Алонсо билан ишлашдан мамнун эмас ва бу мавсумда етарлича ўйин амалиёти олмаётганидан норози. "Реал Мадрид" унга йилига 20 миллион евро маош таклиф этмоқда, бироқ футболчи 30 миллион евро сўрамоқда.

Шу орада "Ливерпуль" унинг вазиятини диққат билан кузатиб келмоқда. Англия гранди ҳужумчини Муҳаммад Салоҳнинг ўрнини босувчи футболчи сифатида кўрмоқда. Агар трансфер амалга ошса, Вини Арне Слот жамоасининг ҳужум чизиғига янги нафас олиб кириши мумкин.

Қироллик клуби учун эса бу вазият жиддий синовга айланмоқда. Килиан Мбаппенинг келиши фонида жамоа ичидаги рақобат кучайган. Агар бразилияликнинг шартлари бажарилмаса, у 2026-йил ёзида Мадридни тарк этиши эҳтимолдан холи эмас.