"Вест Хэм" ҳужумчиси топ жамoaлар нишонида

"Вест Хэм" ҳужумчиси Жаррод Боуэнга топ жамоалар қизиқиш билдирмоқда. 

"Football Insider" нашрининг берган маълумотларига кўра, англиялик футболчига "Ливерпуль" ва "Тоттенхэм" клублари қизиқиш билдирмоқда. "Болғачилар" футболчи учун фақатгина жозибадор таклиф бўлган тақдирдагина қўйиб юборишга тайёр. Боуэн 2023 йилда "Вест Хэм" билан етти йиллик шартнома имзолагани боис, унинг клубдаги келажаги 2030 йилнинг ёзигача кафолатланган. Айни вақтда "Трансфермаркт" порталида англиялик форварднинг нархи 40 миллион еврони ташкил этади.

Эслатиб ўтамиз, 28 ёшли футболчи жорий мавсум "Вест Хэм" сафида жами 12 та учрашувда майдонга тушиб, 3 та гол киритган ва 2 та голли узатмани амалга оширган.