Van de Bek tanqidlarga javob berdi

"Manchester Yunayted" yarim himoyachisi Donni van de Bek APL 10-tur "Sautgempton"ga qarshi bahsda oyog‘idan olgan jarohatini ko‘rsatdi.

"Premer-ligaga xush kelibsan", - izoh ostida shishib ketgan oyog‘ining suratini Instagram sahifasiga joyladi.

Eslatib o‘tamiz, o‘yinning birinchi taymida Jeyms Uord-Prouz van de Bekning oyog‘ini bosib olganidan so‘ng, futbolchi baland ovozda qichqirib yuborgani ijtimoiy tarmoqlarda tanqid qilingan edi.

Yozgi transfer oynasi vaqtida mankunianlar tarkibini to‘ldirgan 23 yoshli niderlandiyalik futbolchi Angliya chempionatida 7 ta o‘yinda maydonga tushib, 1 ta gol kiritdi.