UEFA “Рома”ни катта миқдорда жаримага тортди

"Рома" молиявий фейр-плей қоидаларини бузгани учун жазоланди. Бу ҳақда "Calciomercato" нашри хабар берди.

Манбага кўра, Рим клуби июнь ойи охиригача 28 миллион евролик капитал даромадга эриша олмади. Шу муносабат билан УЕФА "бўрилар"га жарима солди. Италия клубидан 5 миллион евро ундирилди.

“Рома” ўтган мавсумда турнир жадвалида олтинчи ўринни эгаллади. Жозе Моуриньо шогирдлари Европа лигаси финалида Испаниянинг “Севилья” клубидан мағлуб бўлди.