"Тоттенхэм" ўз тарихидаги энг қиммат футболчини сотиб юбормоқчи

"Тоттенхэм" клуби раҳбарияти жамоа ярим ҳимоячиси Танги Ндомбелени сотиб юбормоқчи.

The Sun нашри тарқатган хабарга кўра, 23 ёшли франциялик футболчига "Бавария", "Барселона", "Интер", "Пари Сен-Жермен" ва "Ювентус" клубларидан қизиқиш бор.

Ндомбеле “Тоттенхэм” тарихидаги энг қиммат футболчи ҳисобланади. “Шпорлар” уни ўтган ёз 60 млн евро эвазига сотиб олган эди. У ўтган мавсумда 29 та ўйинда майдонга тушди ва 2 та гол ҳамда 4 та голли узатмага муаллифлик қилди.