Тони Кроос ҳам ПСЖни чемпионлик билан табриклади!

Германия терма жамоаси ва Мадриднинг "Реал" клуби собиқ футболчиси Тони Кроос УЕФА Чемпионлар лигаси финалида ПСЖнинг Миланнинг "Интер" клуби устидан қозонган ғалабаси ҳақида ўз фикрини билдирди. 
 
"Жамоанинг ҳақиқий жамоа бўлиб қолаётганини кўриб хурсанд бўлдим. ПСЖнинг ажойиб бош мураббийи бор. Табрикларим" - дея немис футболчи ўзининг ижтимоий тармоқларида ёзиб қолдирди. 
 
Таъкидлаш жоизки, Париж гранди тарихда илк бор Чемпионлар лигаси ғолибига айланди. Нуфузли турнирнинг финал учрашувида Ашраф Ҳакими, Хвича Кваратсхелия, Сенни Маюлу ва икки гол урган Дезайр Дуе ўз голлари билан ажралиб турди.