Tom Aspinall: "Men noto‘g‘ri gapirdim"

Og‘ir vaznda vaqtinchalik UFC chempioni Tom Aspinall avvalroq xuddi shu vaznda promoushen chempioni Jon Jonsni kamaridan mahrum qilishga chaqirgan edi.

“Aslida men noto‘g‘ri gapirgandim. Menimcha, Jonsni kamardan mahrum qilish kerak emas,u bu sport uchun ko‘p ishlar qilgan, shu bois ham uni chempionlik unvoniga loyiq deb o‘ylayman. Ammo menimcha, agar uning yo‘qligi bir yil yoki shunga o‘xshash vaqtga cho‘zilsa,unda Jon unvonini bo‘shatishi kerak", — deya Aspinall so‘zlarini keltirmoqda The Sun.

Eslatib o‘tamiz, Aspinall so‘ngi jangida Sergey Pavlovichni mag‘lub etgandi.