"Tata Steel Chess-2023": Nodirbek Abdusattorov va Javohir Sindarov o‘z guruhlarida sovrindor bo‘ldi

  • 29 yanvar, 2023, 21:28
  • Ahmadbek Eshmatov
  • 0
  • Shaxmat
BEPUL PROPAN
Niderlandiyada bo‘lib o‘tgan klassik shaxmat bo‘yicha "Tata Steel Chess-2023" musobaqasi hamyurtlarimiz uchun yakunlandi. 
 
Masters guruhida 13-turda niderlandiyalik Jordan Van Forestga qarshi bahs olib borgan Nodirbek Abdusattorov imkoniyatni boy berdi. Shu tariqa Nodirbek 8 ochko bilan 2-o‘rinni qo‘lga kiritdi. 8,5 ochko jamg‘argan mezbon shaxmatchi Anish Giri chempionlikka sazovor bo‘ldi. Qolaversa, Nodirbek bilan bir xil ochko jamg‘argan Magnus Karslen ham hamyurtimiz bilan birgalikda 2-o‘rinni egallaydigan bo‘ldi.
 
Chelenjer tasnifida ishtirok etgan hamyurtimiz Javohir Sindarov 13-turda yana bir mezbon shaxmatchi Tomas Berdsenni mag‘lub etib, ochkolari sonini 8,5 ga etkazdi. Ushbu natija orqali Javohir o‘z guruhida 3-o‘rinni qo‘lga kiritdi. 
 
Chelenjer tasnifida chempionlik 10 ochko bilan germaniyalik Aleksandr Donchenkoga nasib etgan bo‘lsa, turkiyalik Mustafa Yilmaz 9 ochko bilan 2-pog‘onani band etdi.

Fikrlar

Fikr qoldirish uchun avtorizatsiyadan o'ting!