Shou: "Vaziyat bema’nilikkacha ham boryapti"

Angliya terma jamoasining chap qanot himoyachisi Lyuk Shou jamoadoshi Xarri Maguayrning "Manchester Yunayted"dagi holati haqida gapirdi. So‘nggi paytlarda ingliz klubi muxlislari futbolchini tez-tez tanqid qilishayotgan edi.

"Har bir o‘yinchi yomon harakatlari uchun tanqidlarni qabul qilib olishi mantiqan to‘g‘ri holat, ammo Maguayr misolida buni juda ham oshirib yuborishdi. Bu esa noto‘g‘ri, ba’zida vaziyat bema’nilikkacha ham boryapti", - deydi Shou.

Ma’lumot uchun, 29 yoshli ingliz futbolchisi joriy mavsum "Manchester Yunayted" safida APLda 4 ta o‘yinda maydonga tushdi.