Шота Арвеладзе ОЧЛда "Пахтакор" жамоаси олдига қандай вазифа қўйилганини айтди

Хабарингиз бор, эртага ОЧЛ-2020 1-туридан ўрин олган "Пахтакор" - "Шабаб Ал Аҳли" учрашуви ўтказилади.

Бугун ўйиндан олдинги матбуот анжумани ўтказилди. Унда "шерлар" устози Шота Арвеладзе қуйидаги фикрларни билдириб ўтди.

- Биринчи навбатда янги мавсум бошлангани билан барчани табриклайман. Биз янги мавсумни бошламоқдамиз. Ғалаба билан бошлаш жуда муҳим биз учун, халқ учун. Дастлабки 2 та ўйиннинг аҳамияти юқори. Нафақат 2 та ўйинни балки бутун мусобақадаги учрашувлар жуда муҳим.

Гуруҳимиз кучли жамоалардан ташкил топган. Мухлисларни стадионга чорлаб қоламан.

Жамоа олдига гуруҳдан чиқиш вазифаси қўйилган.

Эртанги рақибимиз жуда жиддий. Ҳужум чизиғида тажрибали футболчилар бор. Ҳужумкор ўйинни ҳуш кўради. Ярим ҳимояда ҳам кучли ўйинчилар жамланган. Улар футбол ўйнашни яхши кўришади. Қолаверса, таркибда Испания ва Аргентинадан футболчилар бор. Чемпионатида яққол пешқадам. Барча ўйинчи эртанги беллашувда иштирок этишга тайёр.

Садриддин Абдуллаев ва Акрамжон Комилов жароҳатидан тўлиқ фориғ бўлмагани учун ҳозирча бизга ёрдам бера олмайди.

Осиёлик футболчи? Ҳозир ОЧЛ қайдномаси якунланган. Осиёлик футболчи билан сафимизни тўлдиришни биринчи даврадан кейин ўйлаб кўрамиз, - деди Арвеладзе.