Шомуродовнинг жамоасига Анчелотти мураббийлик қилиши мумкин

"Рома" бош мураббийлик лавозимига Карло Анчелоттини олиб келмоқчи. Бу ҳақда, "AS" нашри маълум қилди.

Манбанинг хабар беришича, "Рома" раҳбарияти таниқли мураббий уларнинг лойиҳасини қайта жонлантиришини истаяпти. Клуб ҳозирда "Реал"ни бошқараётган Карло Анчелотти номзодига эътибор қаратмоқда.

Клуб эгалари, Фридкинлар оиласи аъзолари 65 ёшли мутахассисни жамоани бошқариш учун кўндиришга уринмоқда. Асосий сабаблардан бири Анчелоттининг римликлар билан узоқ алоқалари. У 1979 йилдан 1987 йилгача "Рома"да тўп тепган.

Мураббийнинг ўзи "Реал"да иложи борича узоқроқ ишлашни хоҳлайди ва Мадрид клубини тарк этгандан сўнг, фаолиятини якунлашини истисно этмайди. Бироқ, "Рома" музокараларни бошлаган ва Карлони ишонтиришга ҳаракат қилишни давом эттирмоқда.