Саудия гранди "Ливерпуль" билан келишувга эришди

Саудия Арабистонининг "Ал-Ҳилол" клуби "Ливерпуль" билан Дарвин Нуньес трансфери бўйича келишувга эришди.

Таниқли инсайдер Фабрицио Романо берган маълумотларга қараганда, икки клуб ўртасидаги музокара ижобий тарзда якунланган. Эндиликда риёдликлар футболчи билан шартнома шартларини бўйича келишиб олиши қолди холос.  

Уругвайлик футболчи "қизиллар" сафига 2022 йилнинг ёзида Португалиянинг "Бенфика" клубидан келиб қўшилган эди. Форвард якунланган мавсумда Премьер-лигада 30 та учрашувда майдонга тушиб, 5 та гол ва 2 та голли узатмани амалга оширган.