Санчес "Ювентус"га ўтиши мумкин

Туриннинг "Ювентус" клуби "Манчестер Юнайтед" форварди Алексис Санчесни ўз сафига қўшиб олиши мумкин.

Calciomercato нашри тарқатган хабарга кўра “кекса синьора” спорт директори Фабио Паратичи чилилик футболчининг агенти Фернандо Фелицевич билан учрашган.

Эслатиб ўтамиз, бундан аввалроқ МЮ Санчесни сотиб оладиган ёки ижарага оладиган жамоага унинг тенг ярим маошини тўлаб беришга ҳам тайёр эканлиги ҳақида хабарлар тарқалган эди. Қайд этиш лозимки, унинг йиллик маоши 29 млн еврони ташкил этади.

Маълумот учун, 30 ёшли Санчес жорий мавсум "Манчестер Юнайтед" сафида жами 27та ўйинда майдонга тушди ва 2та гол ҳамда 4та голли узатма ёздириб қўйишга эришди.