Россиянинг бир қатор клублари Балотеллини ўз таркибларига қўшиб олишни исташмади

Марио Балотелли Россия клубларига ўтиши амалга ошмаяпти.

Ушбу ёзда, 29 ёшли футболчининг "Марсель" клуби билан шартномаси ўз якунига етди ва у эркин агентга айланди.

Маълум бўлишича, футболчининг вакиллари Москванинг "Динамо", "Локомотив" ва "Краснодар" клубига Марионинг хизматларини таклиф этиб, рад жавобини олишган.

Аввалига, форвард Россияда йилига 5 млн евро маош олишни истаган ва агенти Мино Райолага бонус сифатида 5 млн евро тўлаб беришларини хоҳлаган. Бироз камроқ маош бўлса ҳам Россияда фаолиятини давом эттиришга қарши эмас.

Эслатиб ўтамиз, футболчи "Брешия" клубига кўчиб ўтишга яқин турган эди.