Ronaldu terma jamoadagi so‘nggi o‘yinini o‘tkazdimi? Bosh murabbiy javob berdi

Roberto Martines Portugaliya terma jamoasining "Evro-2024"dagi ishtiroki haqida gapirdi.

Portugaliyaliklar chorak finalda Fratsiyaga mag‘lub bo‘lishdi (0:0, 3:5 penalti seriyada).

- Siz Portugaliya futboli tarixidagi eng yaxshi avlodni yo‘qotyapsiz. Uchta o‘yindan beri gol urilmadi. Buni tushuntirib bera olasizmi?

- Bu chorak final. Biz ko‘plab vaziyatlar yaratdik. Qiyin o‘yin. To‘p ustunga tegib, darvozaga kirmadi...

Men futbolchilar bilan juda faxrlanaman. Ular xarakter ko‘rsatdilar. Biz 63% to‘pga egalik qildik. Biz yaxshiroq o‘ynadik. Frantsiya g‘alabaga loyiq emas demagan bo‘lardim, lekin bu Evropaning eng yaxshi turniri, Evropaning eng yaxshi futbolchilari. Futbolchilar hamma narsani berishdi. Siz ular bilan faxrlanishingiz kerak.

- Pepe o‘yindan keyin Krishtianuni quchoqlab yig‘ladi. Mag‘lubiyat tufaylimi? Yoki bu oxirgi Evro bo‘lgani uchunmi?

- Men ikkala sabab deb o‘ylayman. Bu uning turnirda ko‘rsatgan hamma narsasiga taalluqlidir: nafaqat o‘yin, balki sheriklarining qo‘llab-quvvatlashi va fidoyiligi. Bu umidsizlik ko‘z yoshlari. Bunday o‘ynab, mag‘lub bo‘lganimizni qabul qilish qiyin.

- Joao Feliks o‘zini qanday his qilmoqda? Siz u bilan gaplashdingizmi?

- Barcha futbolchilar bir-birini qo‘llab-quvvatladi. Joao penalti tepish imkoniyatga loyiq edi. Uning texnik qobiliyatiga shubha yo‘q.

Muxlislarga qo‘llab-quvvatlaganlari uchun rahmat aytmoqchiman. Men esa ularga quvonch keltirish uchun kurashishda davom etaman.

- Ronaldu terma jamoadagi so‘nggi o‘yinini o‘tkazdimi?

"Endi biz mag‘lubiyatni boshdan kechirmoqdamiz. Hali individual qarorlar qabul qilinmadi”, - dedi Portugaliya terma jamoasi bosh murabbiyi.