Роналду Жотанинг вафотига муносабат билдирди

Криштиану Роналду юракларни титратган ҳолда, Диогу Жотанинг вафотига муносабат билдирди.

Португалия терма жамоаси ва "Ливерпуль" ҳужумчиси Жота 28 ёшида автойўл ҳалокатида ҳаётдан кўз юмди. У билан бирга машинада бўлган укаси Андре ҳам вафот этди. Автомобил йўлдан чиқиб кетиб, ёниб кетган. 

"Бу ақлга сиғмайди. Яқинда биз терма жамоада бирга эдик, яқинда сен уйландинг. Мен оилангизга, рафиқангизга ва фарзандларингизга бардошли бўлишларини тилаб, чуқур ҳамдардлик билдираман. Мен биламан, сен улар билан абадий биргасан. Диогу ва Андре - биз сизларни соғинамиз" — деб ёзди Роналду ижтимоий тармоқларда.

Эслатиб ўтамиз, Жота жорий мавсум "Ливерпуль" билан Премьер-лига, Португалия термаси билан эса Миллатлар лигасини ютган эди.