“Real”ning yosh yulduziga katta xaridor chiqdi

“Liverpul” yozgi transferlar vaqtida “Real”ning 19 yoshli futbolchisi Arda Gyulerni qo‘lga kiritishga urinib ko‘radi.

Madrid klubi turk futbolchisiga asosiy tarkibdan joy kafolatlamagan. Uning pozitsiyada mashhur Luka Modrich o‘ynaydi.

“Qirollik klubi” 38 yoshli xorvatiyalik futbolchini yana bir yilga jamoada olib qoldi. O‘z-o‘zidan bu qaror ko‘proq o‘yin amaliyotiga ega bo‘lishni istayotgan Gyulerning faoliyatiga ta’sir o‘tkazadi.

Liverpulliklar vaziyatdan foydalanib, Arda Gyulerni o‘z safiga qo‘shib olmoqchi. Yangi bosh murabbiy Arne Slot iqtidorli futbolchiga asosiy tarkibdan muqim joy berishga tayyor.