“Реал”нинг трансфер режалари фош бўлди

“Реал” мутасаддилари мавсум якунланиши билан таркибни кучайтирилиши керак бўлган нуқталарини аниқлаб олди.

The Athletic нашрининг ёзишича, мадридликлар ёзда асосий эътиборни ҳужумкор ижрочиларни олиб келишга қаратади.

Биринчи навбатда, 35 ёшни уриб қўйган Карим Бензема ўрнини тўлиқ боса оладиган марказий  форвардга эҳтиёж бор. Шунингдек, клуб қанот ҳужумчиларини таклиф қилади.

Манбаларнинг таъкидлашича, мадридликлар рўйхатида ПСЖ юлдузи Килиан Мбаппе ва “Бавария”  етакчиларидан Кингсли Коман бор.