“Реал” ютқазгани яхши бўлди, энди Анчелотти бизга келади

Испания кубоги финалида “Реал”нинг ашаддий рақиб “Барселона”га ютқазгани италиялик бош мураббий Карло Анчелоттининг Мадриддан эрта кетишига сабаб бўлиши мумкин.

“Қироллик клуби” футболчиларининг мағлубиятга учрагани Бразилия футбол конфедерацияси фойдасига ишлаши мумкин. Бу ташкилот анчадан бери Карло Анчелоттини Бразилия терма жамоасига мураббий қилиб олиб келмоқчи.

Таниқли инсайдер Фабрицио Романонинг маълум қилишича, Бразилия футбол конфедерацияси раҳбарияти 65 ёшли мутахассис улар билан ҳамкорлик қилишига ишонч билдирмоқда. Улар Анчелотти 15 июнь куни спорт оладиган клублар ўртасидаги жаҳон чемпионатига қадар Бразилия терма жамоасини қабул қилиб олишини кутяпти.

Манбага кўра, конфедерация вакиллари айни пайтда Испанияда бўлиб турибди. Улар “Қироллик клуби” раҳбариятининг Анчелотти бўйича якуний қарорини кутмоқда. Агар Анчелотти тез орада истеъфога чиқарилса, бразилияликлар мураббий билан музокара бошлайди.