"Реал" раҳбарияти Погба ўрнига Зиданга 2 та номзод таклиф қилмоқда

"Манчестер Юнайтед" клуби хавбеки Поль Погба "Реал"га ўтмаслиги мумкин.

Marca нашри тарқатган хабарга кўра “қироллик клуби” раҳбарияти 180 млн еврога баҳоланаётган футболчининг трансферига қарши чиқишмоқда. Уларнинг фикрича Погба ушбу пулларга лойиқ футболчи эмас.

Шу боис мадридликлар Погбани сотиб олишни хоҳлаётган жамоа бош мураббийи Зинедин Зиданга унинг ўрнига 2та номзод таклиф қилишмоқда. Булар Кристиан Эриксен ("Тоттенхэм") ва Донни ван де Беклардир ("Аякс"). Даниялик футболчи 85 миллион евро, голландиялик эса 25 миллион еврога баҳоланмоқда.